ما عدت احتمل

تعبت من الدنيا وملت هى منى
الله الله بجد كلمات تجنن وجميلة قوووووووى
ويارب ما اشوفك تعبانة ولا حزينة ابدااااا
وميرسى ليكى يا موووووون

"لا يأس مع الحياة ولا حياة مع اليأس"
اهم شئ في حياتك تحاولي تجيبي ورقة وقلم وترسمي حياتك عاملة أزاي وورققة تانية ترسمي الحياة اللي بتتمنيها
وتبدتي تشوفي وتعيدي حساباتك وتشوفي ايه الغلط في حياتك وتمحيها خالص من حياتك !!
أصل الحياة الصح اللي يحسبها ... مش اللي يسبها كده
بصي معايا كده .. وشوفي انتي عاوزة تبقي ايه ؟

1. عاوزة تبقي سعيدة... خلي الدنيا قدامك ليها وجه صريح
   
2. عاوزة تبقي مهمومة... نافقي الناس والناس هتنافقك
   
3. عاوزة تبقي حرة...أعطي الناس حريتهم وأطلقي نفسك في الفضاء
   
4. عاوزة تبقي مقيدة بالحزن...أنشري أحزانك علي أوجة الاخرين
   
5. عاوزة تبقي محبوبة..حاولي تساعديهم في كربتهم واوقات المحن
   
6. عاوزة تبقي مكروة... بيعي الناس في أقرب فرصة
   

بصي هتلاقي كل حياتك ماشية علي انتي عاوزة ايه بس قبل ده كله ... أحسبيها صح
انا مريت علي الفترة دي (حسيت بالوحدة وحسيت بأني مكروه وحسيت بأني حياتي كلها وحشة)
أخذت قرار حلو قوي وانا بحمد ربنا اني عرفت أخذة ... تخيلي ايه هو القرار
اني أحاول أشوف الاخطاء اللي في حياتي ...برغم ان القرار مجاش بين يوم وليلة
وعرفت أتخلص منها بالحلول المناسبة ليا .. عارفة مشيت بالمثل ده (الباب اللي يجيلك منة وجع القلب أقفلة ومتجيش جنبة مهما قال)
بصي يا موون _ حاولي تنسقي حياتك ومحدش هيعرف حياتك أكتر منك ولا من اللي عايشين معاكي _برغم أهمية أراء اللي قدامك
بس حاولي تخففي حياتك من الهموم وبصي للحياة بصورة مضحك أكتر وسيبك من الهموم وأصحي الصبح أبتسمي وخليكي نشيطة
أصل من حركات الشيطان يخليكي مش راضية عن حياتك علشان تمشي في طريق هو مزينة ليكي علشان تبعدي عن حياتك الاساسية

أحب أختم كلامي بانك تحاولي تذكر ربنا في الضراء والسراء وتحاولي تسجدي ليه وصدقيني مافيش أحلي من القرب الي ربنا وحده
وأشكري الله علي حياتك وما بها وما فيها من ضرر ...وكوني عبداً شكوراً
وشكراً ليكي جداً يا دورا .. علي أقتراح مشكلتك
والي الامام يا قمري

بجد يا موووون كلامات رائعة
وبجد انا برضه مش عارفة للموضوع ده حل
وياريت حد يشوفلنا الحل
ويارب ما اشوفك زعلانة ولا تعبانة ابعدا
وربنا يخليكى ليا يا حبى وتسلم ايدك